3.傍友，贤妻
作曲：姚敏
作词：罗宝生
合唱：森森．杜平
(男白)开门。
(女白)边个呀？
(男白)重驶问嘅？梗系我啦。
(女白)唉！将近天光嗱。
(男白)吓！番亲嚟你一定要教训我噃。
(女白)唔系叫做教训，不过见你晚晚都咁夜番，惊你捱坏唧。
(男白)坏都冇法，揾食噃。
(女白)要你咁辛苦，我点过得意呢？唉，你靠傍阔佬养家，
唔系办法嘅。
(男白)哦！我傍到家肥屋润都唔好？咁你要我点做至啱呀？
(男唱)
我成日傍个茅根竹，佢认我做心腹，佢大把身家好色好食，
真欢喜作局。
我成日傍个茅根竹，食着甚充足，样样都黐，借水最易，
全凭架步熟。
傍老细，要说话灵活，擅吹捧，作状纯服，
托拍功夫早已做齐，靠滚更纯熟，
我贤内助，你唔知足，夜夜重兜督，未知我辛苦借钱过活，
你为人似旧木。
(女白)唉！总之我唔希望你靠茅根竹，借水过日子啦。
(男白)唉！我都知，不过冇钱冇办法。
(女白)我唔系要你一朝发达，我想你用双手，用脑筋，
切切实实从头做起，
咁样做人先至啱。
(男白)啱就啱，不过唔知做乜野好呢？
(女白)呢个问题慢慢想啦！最紧要你肯改过先至得。
(男白)咁呀。
(女唱)
你傍阔少，你做奴仆，做跟班，更受凌辱，靠借钱易趋向下流，
更忧心你随俗，你求自立，宜知足，我愿日日食餐粥。
(合唱)
共刻苦耐劳，两夫妻努力，勤劳挽大局。
(女白)希望你浪子回头金不换就好啦。
(男白)唉！有个咁好嘅贤妻，精神感召，我都应该要改过嘅。
(女白)咁就不枉我对你一番苦心咯。
| 
.jpg)