1.台湾进行曲
作词：王武雄
作曲：罗大佑
阵阵的号声响亮 自垦丁一直到基隆
踏着先人的血汗 破浪乘风欲开航
哟伊哟伊出征东西南北 敢死无退不投降
咱是英勇的好汉 创造出时代的希望
静静的台湾海峡 一望无际的风险
护着时代的圣战 和平的枪正义的剑
冲冲革命当作事业 不惊任何的威胁
创造威风的台湾 创造出时代的尊严
无限的乾坤宇宙 战歌响遍太平洋
为着人类的自由 神明天公会保佑
隆隆炮声祝阮成功 尽忠报国为千秋
领导全新的潮流 创造出时代的模样
阵阵的号声响起 男儿立志惊什么
穿着漂泊的制服 破浪乘风欲来去
哟伊哟伊不惊出生入死 唱出胜利的光辉
咱是英勇的男儿 创造出时代的名字
咱是威风的男儿 咱就是时代的名字
2.大家无输赢
作词：王武雄
作曲：罗大佑
天光的时阵 情爱的路途 走无三五伐
塞车的黄昏 又搁牵挂 牵挂已经晏
繁华的所在 花花世界 靠啊靠无岸
青春等到 三更半暝半
冷清的？搭 踏过空虚 冷雨太滥烂
好梦一摊 缘份一半 一半起变化
有人等待 无人按捺 最啊最孤单
咸酸苦味 一杯斟乎干
青春等过 痴情无时行
笑戏的人生 沿路陷眠 哪通惜命命
软软的情歌 听到足心痛 心痛卡快活
无聊的咒诅 听人咧臭弹 情戏在人搬
青春等到 何时会得人疼
免彼呢下路 今后的路途 感情阮不搏
往事一摊 何必相瞒 看嘛看乎破
无缘的结局 若欲裁判 免啊免拖沙
一声再会 缘份不通赊
青春等过 大家无输赢
切切咧一段 拢无牵挂 坚定的心肝
三十六刀 七十二截 残残卡快活
咸酸苦味 一杯斟乎干
青春等过 痴情无时行
一声再会 缘份不通赊
青春等过 大家无输赢
3.闰月闰爱情
作词：王武雄
作曲：罗大佑
想到彼句话 连梦拢怨嗟
寂寞深更 暗淡胭脂 一暝怨天白
一暝怨天白 缘尽天借过
冷暖悲欢 转眼之间 红颜满四界
为着欲见面 日夜赶失眠
褪尽繁华 改换新衫 夜夜块试穿
夜夜块试穿 绿叶出红尘
暖暖春风 闪闪金光 连梦拢透明
轮回讲报应 等无天清 看无户碇 情份不敢宠
为何心肝冷 不管苍天 只有闰月 咱来闰爱情
但愿天作证 咱的真心 免人论定 互相爱信任
月娘笑阮憨 停雨展气象
灿烂春天 花红叶青 不通搁失望
不通搁失望 期待再相逢
你的青春 我的青春 日出见彩虹
有缘搁作阵 情话拢精神
春回乾坤 五彩缤纷 梦也最接近
缘份爱肯定 情话紧答应
你的青春 我的青春 有梦块致荫
你的人生 我的人生 有梦块致荫
你的人生 我的人生 互相爱致荫
4.风透的日子
作词：王武雄
作曲：罗大佑
是一个不敢用情的人 有一段袂晓完成的梦
漂泊的虚华 掩盖着孤单 也不知缘份像风飞沙
是一个不敢怀疑的人 无聊的当等行船的梦
波浪的增差 凌乱着心肝 才会连情歌嘛是咒诅
风透的日子 风透的日子
涌若无盖大 行船的风声嘛无靠岸
风透的日子 风透的日子
涌若有够大 行船的心肝就袂快活
是一个不敢行船的人 无情的描写纯情的梦
波浪的清香 灯塔的希望 敢是一阵风一场噩梦
是一支不敢回头的箭 像一个孤子有名无姓
空壳的春天 坚定的空虚 等袂到名份有谁通知
波浪的清香 凌乱又沉重 总是无离航就无央望
5.相鼠
作词：王武雄
作曲：罗大佑
你若学人讲正义啊先生 我嘛想着足趣味
你若想欲插政治啊先生 我着会使看好戏
你若名声欲漂白啊先生 店在笼内免出来迺
你若赚钱囤太多啊先生 奈不加减罔救济
看彼只老鼠嘛有皮 做人你哪会彼敖假
做人你若是彼敖假 无死你是欲创什么
看彼只老鼠嘛有齿 做人你哪会彼无耻
做人你若是彼无耻 无死你嘛是加了米
看彼只老鼠嘛有体 做人你哪会彼无礼
做人你哪是彼无礼 归去死死咧坎布袋
不免搁置遐啶青 不免搁置遐对靓 不免搁置遐操甲啼
不管谁号做救星 不管谁号做克星 不免搁置遐相斗缠
若欲搁置遐藏秋 若欲搁置遐顿张 人生挡置咧乌暗暝
面子挂置咧嘴边 目屎滴落去鬓边 大家敢着爱衰过年
你若学人讲正义啊先生 敢是社会咧破病
你若想欲插政治啊先生 搁是一出武侠片
你若名声肯漂白啊先生 我将头壳准椅子坐
你若食钱捻彼多啊先生 奈不心肝扳出来
你若食饭免阮饲啊先生 奈着行动彼鬼祟
你若食老好准备啊先生 我嘛不管你贵姓
看彼只老鼠嘛有须 做人你哪会彼敖张
做人你哪是彼敖张 无死你敢是皮咧痒
看彼只老鼠嘛有嘴 做人你哪会彼匪类
做人你哪是彼匪类 归去死死卡袂镇位
不免搁置遐度龟 不免搁置遐度龟 不免搁置遐操甲啼
不管谁置咧顾更 不管谁想欲变天 不免搁置遐相斗缠
若欲搁置遮孝孤 若欲搁置遐抹黑 人生挡置咧乌暗暝
面子挂置咧嘴边 目屎滴落去鬓边 大家敢着爱烧库钱
只有一锅歹泔糜啊先生 拢无一脚好布袋哦
谁加大家拢出卖啊先生 敢是你这只老鼠啊喂
6.告别
作词：王武雄
作曲：罗大佑
一声拜拜 是简单三五字
一段暗示 像风吹叶离枝
一幕报白 换接引的城市
一场告别 是永远的天意
一声拜拜 在黄昏日落西
一段教示 换点香的时代
一场对话 若魂魄犹原在
一幕结局 是天地的交代
日出东方 一段恩怨块轮回
罗经牵出了造化轮替的黄花
拈香捧杯 敬奉在天地
鼓吹声透 八音合奏 引风牵魂飞
凌乱寸步 随冷风开魂路
慢慢引渡 是好日无疑误
回魂过路 着放纸兼谢步
白日既尽 换浅浅的黄土
一声拜拜 是简单三五字
一段拜拜 像风吹叶离枝
一幕拜拜 换接引的城市
一场拜拜 是永远的天意
日出东方 一段天命块轮回
7.宝岛咸酸甜
作词：罗大佑／王武雄
作曲：罗大佑
船船听讲欲开 啊小姐你块等什么
赶紧做伙转去准备 不通乎阮等归暝
宝岛美丽又活泼 咱可爱的咸酸甜
苦恋是阮的爱情 越头就是白云的天
船船搭才咧开 欧吉桑你是急什么
加人人拢卢来船顶占位 菠萝西瓜几千年
港都咱疼惜的大某甲细姨的思想枝
趁食是咱的才情 越头嘛是白云的天
船船真正咧开 啊总统你是置佗位
无论输赢拢爱开钱 一支红君等看戏
古早咱过海来搏命的趁食才搭开始
好额是咱的行情 越头又是白云的天
苦恋是咱的爱情 越头就是白云的天
8.风吹风吹
作词：王武雄
作曲：罗大佑
有人是无行踪 有人被风笑憨
热恋的风吹飘来飞去 想袂到彼放荡
伊亲像一阵风 定定无守信用
六月的炎天引阮牵挂可爱的薄情郎
风吹风吹 风中一张批
写在梦中的 相思有多少
缘份由天控制 简单一句话
情断无相借问 阮是谁人的
有时阵热烘烘 有时阵足失望
热恋在风中春来秋去 有情就爱保重
伊亲像一阵风 轻轻将阮煽动
六月的梦中犹原相信有一日再相逢
风吹风吹 风中一枝花
谁人会知 青春剩多少
缘份是相欠债 简单一句话
情断嘛无计较 阮是别人的
情断嘛无计较 阮是谁人的
9.风神的歌诗
作词：王武雄
作曲：罗大佑
呵嘿呵 飞向天 壮志凌霄好男儿
为国为民无家己 勇敢杀入万重围
呵嘿呵 惊什么 碎骨分尸有名字
锁定炮弹轰天雷 火光四散贺胜利
冲冲冲 快如电急如风 震撼乾坤的行动
冲冲冲 来无影去无踪 钻入敌人的心脏
呵嘿呵 紧准备 建功立业免排队
告别爱人甲乡里 魂魄总有一工会返去
合唱传世的歌诗
10.扇东风
作词：王武雄
作曲：罗大佑
齐东隆东 强东隆东 齐东隆东强东强
齐东隆东 强东隆东 齐东隆东强东强
齐东隆东 强东隆东 齐东隆东强东强
一阵风吹过来 鼓吹八音 齐东隆强
齐东隆东 强东隆东 齐东隆东强东强
照过来 照过来 日出东方 迎接咱成功
照过来 照过来 日出东方
紧行动 紧行动 呵嘿呵
经过了黑白的风甲雨 相照顾 换前途
今后的时代会足进步 大家的功劳
全世界拢期待 迎龙弄狮
赶紧来扇东风 斗阵去散步
赶紧来扇东风 斗阵来围炉
赶紧来扇东风 斗阵去散步
赶紧来扇东风 斗阵来围炉
| 
