1.画眉
作词：路寒袖
作曲：詹宏达
天星伐过小山沟
伊的影缀着泉水流
流到咱兜的门脚口
咱捧着星光林落喉
阿 冰冰凉凉感情相透
云为山咧画目眉
有时浅浅有时厚厚
云虽然定定真贤走
山永远伫遐咧等待
啊 两的注定作伙到老
我是云 汝就是 汝就是彼座山
顾着汝惊汝受风寒
我画目眉汝斟酌看
逐笔拢是海礁石烂
啊 一生汝是 汝是我的心肝
2.山路
作词：路寒袖
作曲：詹宏达
爬崎的山路，弯弯阁翘翘
盘伫山坡，盘伫咱的心头
汝的情牵着我的爱
我的爱牵着咱的将来
咱匀匀啊行来山顶看大海
寂静的山路，双边相思栽
栽伫心内，栽伫眼前世界
山顶生活无啥感慨
干礁听到咱喘气的爱
咱匀匀啊行来山顶看大海
山路啊山路
越过来听到风
山路啊山路
越过去看到云
野草含着露水
像云遐呢厚
湿入梦中，湿入梦中
梦浮上山的肩胛头
3.思念二千公尺
作词：路寒袖
作曲：詹宏达
汝我住伫二千公尺的高山
逐工佮云咧相看
定定有雾来靠岸
双侬伫遐坐归工
鸟只嘛(勿会)甲咱赶
生活过了真简单
思念亲像二千公尺的高山
我伫都市真孤单
虽然胭脂作伴
汝伫山顶等天暗
央望时间像喷泉
生活过了真艰难
是按怎，是按怎
到底是按怎
风那会将咱吹散
一个做山，一个做苦旦
4.人生露水
作词：路寒袖
作曲：詹宏达
春天对山的身边行过
透早的第一滴露水
滴落，滴落
滴落无声的土地
昨暗咱咧烘的火
恬恬蹲伫烘炉底
咱含苞的希望
迸破冬天的霜雪
伫树仔尾咧开花
春天对山的身边行过
透早的第一滴露水
滴落，滴落
滴落无声的土地
时间无影欲佗揣
人生露水一去无回
徛伫春天的路尾
汹汹理想挽一丫
插上咱的心肝底
| 
