2.凤娇姆仔的彼担米粉炒(王俊杰)
作词：王俊杰
作曲：王俊杰
编曲：王俊杰
伊孤孤单单单单一个人 踮伫市场角仔 排一担米粉炒
出入内外的人 拢会听着伊亲切的叫声 先生小姐囝仔兄 遮坐欲爱啥
无看见有人佮伊作伴 毋怎知影伊的身世是按怎
只有一只跛脚的乌狗佮伊来作伴
一碗四神汤 一盘米粉炒 数十年来好天落雨拢伫遮
一碗四神汤 一盘米粉炒 阮拢叫伊凤娇姆仔
凤娇姆仔咧念歌 较念嘛是彼首歌 凤娇姆仔爱念歌 较念嘛是念袂煞
伊讲自古红颜多薄命 红颜多薄命
凤娇姆仔彼担米粉炒 炒着无仝款人客的运命
凤娇姆仔彼担米粉炒 炒着彼个毋知影名的乌狗兄
凤娇姆仔彼担米粉炒，炒着岁月流转的变化
凤娇姆仔彼担米粉炒，炒着伊已经变白的头鬃
凤娇姆仔彼担米粉炒，炒着市场内外的喝声
凤娇姆仔彼担米粉炒，炒着怹囝伫笼仔内的哭声
伊的故事阮到大汉才知影 伊自细予人做养女 大汉为着家庭去做酒家女
无疑故熟识彼个乌狗兄 生一个囝
现在予人判无期徒 伫笼仔内咧算日头影
| 
