许冠杰( Samuel Hui ) 天才与白痴 歌词

28.天才与白痴

作词：许冠杰／薛志雄
作曲：许冠杰

呢个世界上，有精仔、有懵仔、有叻仔、散仔、赌仔、重有戆居仔，
有衰仔、有好仔、反骨仔、癫仔、蠢仔重弊过败家仔，
细蚊仔、臭飞仔、招卿仔、靓仔、打仔乱咁出刀仔，问你点敢乱生仔。

边个系天才(天才)，边个系白痴(白痴)，
扮懵定蠢才，冇咁易会知(阿茂至知)，
天才与白痴，你黐定我黐，天才与白痴，冇咁易会知，天才与白……痴。

呢个世界上，有冤鬼、有哗鬼、有奸鬼、赌鬼、盏鬼、重有咸湿鬼，
有衰鬼、有烟鬼、摄青鬼、生鬼、撞鬼撞着个冒失鬼，
醉酒鬼、吊靴鬼、丑死鬼、假鬼、真鬼、乱咁鬼打鬼，问你究竟搅乜鬼。

乜鬼系天才，乜鬼系白痴，扮懵定蠢才，冇咁易会知，
天才与白痴，你黐定我黐，天才与白痴，冇咁易会知，天才与白……痴。

呢个世界上，有坚、有流、有精、喎、喳、重有大镬，
有衰、有好、有笋、贵、贱、最划忌就赖，
醒胃、林婶、正斗、靓、杰、最爽就捞粗，确系认真唔少。

乜系天才，乜系白痴，扮懵定蠢才，冇咁易会知，
天才与白痴，你黐定我黐，天才与白痴，冇咁易会知，
天才与白痴，天才与白痴，天才与白痴。