1.青春的彩筆
作詞：蕭澤倫
作曲：蕭澤倫
吉他：盧家宏
揭一枝青春的彩筆甲一本寫生簿，
找一條清幽的小路來畫圖，
畫一陣風，畫一片葉掉落土，
簡單的筆觸親像是西北雨。 哦～
騎一隻生鏽的鐵馬穿一軀破衫褲，
找一叢開花的蓮霧來畫圖，
畫一隻蛾，畫伊值咧跳舞的形影，
美麗的色彩親像快樂的歌聲。哦～
來畫圖，來畫圖，來畫圖，
風吹值阮的頭鬃，
嘛打開心裡的門窗。
來畫圖，來畫圖，來畫圖，
畫小雨停，
日頭照阮轉去的路。
2.山國的溫泉鄉
作詞：蕭澤倫
作曲：蕭澤倫
吉他：盧家宏
老師節的假日，來山國的溫泉鄉，
經過坎坷的山路，
甲一陣涼冷的大雨，
歸路罩濛的山埔，
像天仙歡喜來娶路，
嘛親像新娘仔含羞期待的笑容。
黑狗仔的烏多拜，噴噴噴騎倚來，
講哈利路亞的歌聲，
是阿嬤彽做禮拜，
噹噹噹噹噹噹噹〜
國校仔的鐘聲傳來，
濁濁厚厚的駭頭仔，
叫姻囝摜出來。
哦〜 哦〜
溫泉鄉的風景真正美，
溫泉鄉的茶米有人情味。
3.幸福的第一名
作詞：蕭澤倫
作曲：蕭澤倫
我住值係日落的南爿山，
你住值係北風吹來的海岸，
若等啊等著彼例可愛的放假，
我著衝第一名趕緊來坐火車。
山啊山啊，過了初戀青春嶺，
海呀海呀，過了離別的彩霞，
我啊我啊，過了一站又一城，
我等啊望啊等到變老歲仔！
啊！這是一台美夢的火車，
載著五六百個標準的第一名。
啊！這是一台傻人的貨車，
載著五六百個幸福的第一名。
4.阿母行吊橋(媽媽走吊橋)
作詞：蕭澤倫
作曲：蕭澤倫
阿母行吊橋，驚到咪咩叫，
澤倫、澤倫啊叫，
唉喲！害阮遂惴一趒。
阿母行吊橋，驚到咪咩叫，
叫天、叫地、叫阿伯，
阿彌陀佛嘛叫摻落矣。
阿彌陀佛，阿彌陀佛，
嘿！佛哪會毋緊來？
阿彌陀佛，阿彌陀佛，
嘿！佛哪會猶未來？
啊～阿母！你腳步踏乎在，
毋通是嘴唸佛，心肝烏白駭；
啊～阿母！你腳步著勻勻啊來，
心頭若放自在，嘿！緊張著昧閣來。
5.愛著一個朋友(愛上一個朋友)
作詞：蕭澤倫
作曲：蕭澤倫
﹝國﹞凌晨兩點的沉默街頭我遊走，
冰涼涼的月夜風鎖我眉頭，
莫名其妙的情緒﹝台﹞像我結歸球的頭毛，
﹝國﹞不道德的寂寞是蚊子，
喜歡糾纏我的耳朵。耶～
車水馬龍的巴士station我等候，
Bibibaba﹝台﹞的喇叭聲﹝國﹞好不快活，
我的好乘客你，一再從我身邊走過，
沒有別的理由，只是我的車上沒有博愛座。
嗚～嗚～
﹝台﹞愛著一個朋友像你，
乎我心肝加艱苦，
To love a friend like you so，
﹝國﹞讓我不知要站還是要坐。
﹝台﹞愛著一個朋友像你，
﹝國﹞讓我日以繼夜的消瘦，
To love a friend like you so，
﹝台﹞是我即世人上大的劫數。
嗚～嗚～
6.轉去的那條路(回去的那條路)
作詞：蕭澤倫
作曲：蕭澤倫
吉他：盧家宏
你是毋是已經行值轉去故鄉的彼條路？
你講彼條路的路邊有溪水真清氣，
有蝦、有魚，有憩陶的紅田嬰。
微微風輕輕彽吹，路邊有一欉小白花，
恬恬攏無講話；
微微風輕輕彽吹，有媽媽煮飯的燃柴味，
值溪水彽流的時陣，叫你緊轉去!
你是毋是已經行值轉去故鄉的彼條路？
你講彼條路的路邊有軟軟的田土，
有蝦、有魚，有澹漉漉的牛仔褲。
微微風輕輕彽吹，樹頂有斷線的破風吹，
恬恬攏無講話；
微微風輕輕彽吹，有阿爸交代的彼句話，
值咱逐擺跋倒的時陣，毋通頭纍纍!
值彼個夢中，值彼個夢中，
我有聽著囡仔時的歌唱昧煞，
值彼個夢中，值彼個夢中，
有看著，天真的笑容。
你是毋是已經行值轉去故鄉的彼條路？
7.誠心來感懷
作詞：蕭澤倫
作曲：蕭澤倫
腳步放乎在，
心頭真爽快，
攀山過嶺無阻礙。
凡事照起工來，
昧拄大風颱，
穿若會燒、食若會飽，
誠心來感懷。
感謝天公來落雨，
感謝日頭來曝土，
感謝芳花乎人好氣味，
感謝你我歡喜相見。
8.我的愛在天涯
作詞：蕭澤倫
作曲：蕭澤倫
吉他：盧家宏
﹝台﹞
火車停值即個車站恬恬攏無聲，
昨日的約束裝值係包仔內嘛漸漸欲起行，
生鉎的鐵支路，彩色的日記簿，
路邊的老柴箍，
有一兩個幸福、三四個照顧，
攏囥值彼間舊倉庫。
紅紅的茨瓦值彼粒山頭是啥物人姻兜？
黃色的油菜花圍值係庄仔外有平靜的溪流，
夢中的彼條路，無疑悟的一滴雨，
異鄉的老查甫，
有五六張地圖、七八本相簿，
攏吊值彼條牛仔褲。
﹝國﹞
我離開我的家，我的愛在天涯，
﹝台﹞
你敢有彽聽？值彼條路的雨聲。
﹝國﹞
我離開我的家，我離開長長的髮，
﹝台﹞
一個人唱歌一個人聽，
一個人唱著我的心情。
9.牽手過日子
作詞：蕭澤倫、陳和祿
作曲：蕭澤倫
今仔日早起是冷吱吱，
因為阮的愛人仔無值身邊，
頭殼累累歸日攏無元氣，
山珍海味吃了嘛攏無滋味。
今仔日早起是落雨天，
因為阮的愛人仔無值身邊，
頭殼累累偷看伊的相片，
害著阮三魂七魄攏飛飛去。
一個人行值鬧熱的街市，孤單的暗暝，
看人雙雙對對昧喘氣。
兩個人初戀天真的日子，已經是過去，
面對未來，一定要有你。
啊～牽手過日子好否？
雖然艱苦，但是昧乎你枵腹肚。
啊～牽手過日子好否？
雖然有時嘛拄風雨，
吃老嘛相照顧。
10.繼續行(繼續走)
作詞：蕭澤倫
作曲：蕭澤倫
一路行，一路看，
濛濛路，你敢會驚？
一路行，一路聽，
吵鬧中，你敢有伴？
求平安，心不安，
求富貴，求昧完，
求名聲，昧記哩家己的名，
要人聽話，煞聽無家己的聲。
所以繼續行，咱繼續行，
毋免計較啥；
所以繼續行，咱繼續行，
毋驚；
所以繼續行，咱繼續行，
每一步攏踏乎正正，
認真創造咱的運命。
| 
